ආංශීක අධීක්ෂණ කාරක සභා සක්‍රීය කිරීමට පාර්ලිමේන්තුවේ අනුමැතිය හිමි වූවත්, විපක්ෂයෙන් ඒ පිළිබඳව සුබවාදී ප්‍රතිචාරයක් නොලැබිම නිසා අදාළ කටයුතු අඩාල වී ඇතැයි කතානායකවරයා පවසයි.
ආංශික අධීක්ෂණ කාරක සභා 17 ත් පිහිටුවිය යුතු වුවත්, ඒ සඳහා සභාපතිවරු පත්කර නොමැති බව කතානායකවරයා වෙත ලිපියක් යොමු කරමින් ජනාධිපති රනිල් වික්‍රමසිංහ මහතා අවධාරණය කළේය.
මේ හේතුවෙන් දිගු කාලීන ක්‍රමික වෙනස්කම් ඇති කිරීමේ යෝජනා ක්‍රියාත්මක කිරීමේදී පාර්ලිමේන්තුව ප්‍රමාද බව, ජනාධිපතිවරයා එම ලිපියෙන් කථානායකවරයාට පෙන්වා දී තිබේ.
එළැඹෙන සතියේ පාර්ලිමේන්තු රැස්වීමෙන් පසු අදාළ නියෝජිතයින් පත් කිරීමේ කටයුතු අවසන් කිරීමට අපේක්ෂා කරන බව කථානායකවරයා පැවසී ය.