පැල්පත්වලින් තොර රටක් බිහිකර දරුවන්ගේ අනාගතය සුරක්ෂිත කිරීම රජයේ ප්‍රමුඛ අරමුණ බව අග්‍රාමාත්‍ය දිනේෂ් ගුණවර්ධන පවසයි.
අද (03) පෙරවරුවේ අරලියගහ මන්දිරයේ දී පැවති 36 වන ලෝක ජනාවාස දින ජාතික සැමරුම් උත්සවයට එක්වෙමින් ඔහු මේ බව සඳහන් කළා.
අග්‍රාමාත්‍ය මාධ්‍ය ඒකකය සඳහන් කලේ ලෝක ජනාවාස දින සැමරුමට සමගාමීව මෙහිදී නිවාස හිමිකම් ඔප්පු 650ක් ද ප්‍රදානය කළ බවයි.
මිනිස් ජීවිතවල ආරක්ෂාව, දියුණුව සහ බලාපොරොත්තු ඇති නිවසක දරුවන්ගේ අනාගතය ගොඩ නැගිය හැකි වාතාවරණය බිහිකිරීමට රජය කැප විය යුතු බව මෙහිදී අග්‍රාමාත්‍ය දිනේෂ් ගුණවර්ධන වැඩි දුරටත් අදහස් දක්වමින් සඳහන් කළා.
කොළඹ නගරයේ අඩු පහසුකම් සහිත වතු 1,200ක් සඳහා ස්ථීර නිවාස වැඩසටහනක් ආරම්භ කිරීමට නියමිත බවත් අග්‍රාමාත්‍ය දිනේෂ් ගුණවර්ධන එහිදී සඳහන් කළේය.