එක්සත් ජාතීන්ගේ මහා මණ්ඩල සැසියට සහභාගිවීම සඳහා විදේශ අමාත්‍ය අලි සබ්රි මහතා අද(19)දින අමෙරිකාවේ නිව්යෝර්ක් නුවර බලා පිටත්ව යාමට නියමිතව තිබේ.
විදේශ අමාත්‍යවරයා ලබන 24 වැනිදා එක්සත් ජාතීන්ගේ මහා මණ්ඩල රැස්වීමේදී ශ්‍රී ලංකාවේ ප්‍රකාශය ඉදිරිපත් කිරීමට නියමිතයි.
එසේම විදේශ අමාත්‍යවරයා මෙම සංචාරය තුළ ජාත්‍යන්තර සමුළු කිහිපයක් ඇමතීමට නියමිතව ඇත.
එම සමුළු වන්නේ නොබැඳි ජාතීන්ගේ සංවිධානයේ අමාත්‍ය සැසිය, ආසියාවේ අන්තර් ක්‍රියා සහ විශ්වාසය ගොඩනැගීමේ ක්‍රියාමාර්ග පිළිබඳ සමුළුවේ විදේශ අමාත්‍යවරුන්ගේ රැස්වීම සහ ගෝලීය සංවර්ධනයට මුල පිරීමේ මිත්‍ර කණ්ඩායමේ අමාත්‍ය රැස්වීම යන සැසියි.
එක්සත් ජාතීන්ගේ මහා මණ්ඩලයේ 77 වැනි සැසිවාරයේ ඉහළ මට්ටමේ සාකච්ඡාවාරය හෙට සිට 26 වැනිදා දක්වා පැවැත්වීමට නියමිත බව විදේශ කටයුතු අමාත්‍යංශය නිවේදනය කළේ ය.