ආසියානු කුසලාන ක්‍රිකට් තරගාවලියේ සුපිරි වටයේ තෙවන තරගය හෙට (06)දින පැවැත්වීමට නියමිතව තිබේ.
ඒ ශ්‍රී ලංකා කණ්ඩායම සහ ඉන්දීය කණ්ඩායම අතරයි.
එම තරගය ශ්‍රී ලංකා වේලාවෙන් හෙට (06) රාත්‍රී 7.30ට ආරම්භවීමට නියමිතයි.
ශ්‍රී ලංකා කණ්ඩායම සුපිරි වටයේ මුහුණ දුන් පළමු තරග ඇෆ්ගනිස්ථානය පරාජයට පත් කරමින් ජයග්‍රහණය කිරීමට සමත් විය.
කෙසේ වෙතත් ඉන්දීය කණ්ඩායම සුපිරි වටයේ පළමු තරගයේදී පාකිස්ථානය හමුවේ පරාජයට පත් විය.
ඒ අනුව සුපිරි වටයේ ප්‍රසාද ලකුණු සටහනේ පළමු තැන තවදුරටත් රැදී සිටීමට ශ්‍රී ලංකා කණ්ඩායමට හැකිව තිබේ.
ප්‍රසාද ලකුණු දෙකක් සමග ශ්‍රී ලංකා පිල පළමු ස්ථානයේ රැදී සිටින අතර, පාකිස්ථානය දෙවන ස්ථානයේ රැදී සිටියි.