පසුගිය සමයේ පක්ෂයේ තීන්දු තීරණ නොසලකා හරිමින් පක්ෂ විනය උල්ලංගනය කළ ශ්‍රී ලංකා නිදහස් පක්ෂයේ මන්ත්‍රීවරුන් 8 දෙනෙකුගේ පක්ෂ සාමාජිකත්වය අහෝසි කිරිමට සූදානම් වන බව එම පක්ෂ අභ්‍යන්තර තොරතුරු මාර්ගවලින් වාර්තා වේ.
ප්‍රසන්න රණතුංග, බන්ධුල ගුණවර්ධන, දිලුම් අමුණුගම යන පාර්ලිමේන්තු මන්ත්‍රීවරුන් සහ ගම්පහ ප්‍රාදේශීය සභාවේ සභාපති රන්ජිත් ගුණවර්ධන, අත්තනගල්ල ප්‍රාදේශීය සභාවේ සභාපති ප්‍රියන්ත පුෂ්පකුමාර ඇතුළු ශ්‍රීලනිප මහජන නියෝජිතයන් අට දෙනකුට එරෙහිව හෙට පස්වරු 2ට පැවැත්වෙන එම පක්ෂයේ මධ්‍යම කාරක සභාවේදී තින්දුවක් ගැනීමට සූදානම් වන බවයි එම තොරතුරු මාර්ග වැඩිදුරටත් අනාවරණය කරන්නේ.
පක්ෂයේ විනය ආරක්ෂා කිරීම සම්බන්ධයෙන් ඉදිරියේදී විශේෂ අවධානයක් යොමු කරන බව ශ්‍රීලනිප නායක, ජනාධිපති මෛත්‍රීපාල සිරිසේන මහතා එම පක්ෂය නියෝජනය කරන ආණ්ඩුවේ මැති ඇමතිවරුන් සිය නිල නිවසට කැඳවා පසුගියදා දැනුම්දී සිටියේය.