සමාජ මාධ්‍ය ජාලා මගින් ප්‍රචණ්ඩත්වය පැතිරවීමට ආධාර අනුබල ලබා දීම සම්බන්ධයෙන් රූපවාහිනී ආයතනයක නිවේදිකාවක ඇතුලු තිදෙනකු අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාය මගින් අද (19)දින අත්අඩංගුවට ගත් බව පොලිස් මුලස්ථානය පවසයි.
මොවුන් දික්වැල්ල, ගංගොඩවිල, නාරාහේන්පිට යන ප්‍රදේශ වලදී අත්අඩංගුවට ගෙන ඇති බව පොලිසිය පවසයි.
අත්අඩංගුවට ගත් නිවේදිකාව නාරාහේන්පිට පදිංචි (39) හැවිරිදි කාන්තාවක් බවත්, සමාජ මාධ්‍ය මගින් ප්‍රචණ්ඩත්වයට අනුබල ලබා දීම, චෝදනාව යටතේ අත්අඩංගුවට ගෙන ඇත.
දිල්වැල්ල ප්‍රදේශයේ අත්අඩංගුවට ගත් සැකකරු වයස (22) හැවිරිදි වාහන අලුත්වැඩියා කිරීමේ රැකියාවේ නිතර තරුණයෙක් බවත් මොහු ත්‍රිවිධ හමුදාව සහ පොලිසියේ නිලධාරීන්ගේ නිවාස ගිනි තබන ලෙසට අන්තර් ජාලය ඔස්සේ සජීවීව ප්‍රචාරය කොට මහජන කැලඹීමක් ඇති කිරීමට උත්සහ කිරීම සම්බන්ධයෙන් අත්අඩංගුවට ගත් බව පොලිසිය පවසයි.
නුගේගොඩ ගංගොඩවිල දී අත්අඩංගුවට ගත් සැකකරු (21) හැවිරිදි පුද්ගලික ආයතනයක සේවය කරන තරුණයකු බවත්, සමාජ මාධ්‍ය ඔස්සේ ප්‍රචණ්ඩත්වයට ආධාර අනුබල ලබා දීම හා මහජනතාවට තර්ජනය වන ආකාරයේ තොරතුරු පලකිරීම සම්බන්ධයෙන් අත්අඩංගුවට ගත් බව පොලිසිය සඳහන් කරයි.
මෙම සැකකාරිය හා සැකකරුවන් දෙදෙනාගෙන් සිද්ධිය සම්බන්ධයෙන් ප්‍රකාශ සටහන් කරගෙන අධිකරණය ඉදිරිපත් කිරීමට නියමිතව ඇත.