විදේශ තැපෑල සම්බන්ධයෙන් සිදුකරන සේවා ගාස්තු ඉහළ නැංවීමට තැපැල් දෙපාර්තමේන්තුව තීරණය කර තිබේ.
අගෝස්තු පළමු වනදා සිට එම ගාස්තු වැඩි වීම සිදුවන බව තැපැල්පති රංජිත් ආරියරත්න මහතා පවසයි.
මේ අතර අමෙරිකාව, නෙදර්ලන්තය , ඊශ්‍රායලය සහ රුසියාව යන රටවලට තැපැල් භාණ්ඩ භාර ගැනීම තවදුරටත් අත්හිටුවා තිබේ.
තැපැල්පතිවරයා සඳහන් කරන්නේ, පවතින ඉන්ධන අර්බුදය හමුවේ මෙරටට පැමිණෙන ගුවන් ගමන් සීමා කිරීම සහ අත්හිටුවීම හේතුවෙන් මෙම තීරණය ගත් බවයි.