පසුගිය 09 වැනිදා එල්ල කරන ලද අශිෂ්ට ප‍්‍රහාරයට ශිෂ්ටත්වයෙන් පිළිතුරු සොයන්න එපා යැයි ජනතා විමුක්ති පෙරමුණේ හිටපු පාර්ලිමේන්තු මන්ත්‍රී සහ දේශපාලන මණ්ඩල සභික සුනිල් හඳුන්නෙත්ති මහතා පවසයි.
අශිෂ්ටත්වයට පිළිතුරු හම්බෙන්නේ අශිෂ්ටත්වයෙන් පමණක් බවද හෙතෙම පැවසීය.
එම ප්‍රහාරවලට ප‍්‍රති ප‍්‍රහාර එල්ල කල සියලු දෙනාම ආරක්ෂා කරගත යුතු බව ද ඔහු සඳහන් කළේ ය.
ඒ මහතා මේ බව කියා සිටියේ ජාතික ජන බලවේගය විසින් මාතලේ ප්‍රදේශයේ කැඳවා තිබූ සාකච්ඡාවක් අමතමිනි.
“මොන පක්‍ෂයකින් හරි කමක් නෑ මැයි නම වෙනිදා පෙරවරුවේ සිදුවෙච්චි ජරා දේශපාලන ක්‍රියාවට හවස්වරුවේ ප්‍රතිචාර දක්වපු අය ආරක්ෂා කරන්න ඕන”