ශ්‍රී ලංකාව සදහා වූ එක්සත් ජාතීන්ගේ මානව හිමිකම් කවුන්සිලයේ සම්මත වූ යෝජනාව සම්පූර්ණයෙන් ක්‍රියාවට නැංවිය යුතුය යන පැහැදිලි ස්ථාවරයක බ්‍රිතාන්‍ය රජය සිටින බව ශ්‍රී ලංකාව සහ මාලදිවයින සදහා වන බ්‍රිතාන්‍ය මහ කොමසාරිස් ජේම්ස් ඩොරිෂ් පවසයි.
“අභ්‍යන්තර පරීක්ෂණ ක්‍රමවේදයට ජාත්‍යන්තර විනිසුරුවන් ඇතුළත් නොකරන බවට ජනාධිපති මෛත්‍රිපාල සිරිසේන අල් ජසීරා රෑපවාහිනියට කළ ප්‍රකාශය සම්බන්ධයෙන් අවධානය යොමු කිරීමේ අවශ්‍යතාවයක් නොමැති බවත් ශ්‍රී ලංකා රජය විසින් ක්‍රියා කළ යුත්තේ කෙසේද යන වග අදාල යෝජනාව මගින් පැහැදිලිව පෙන්වා දී ඇති බවත් ඔහු පවසයි..
එම යෝජනා ශ්‍රී ලංකා රජය විසින් සම්පූර්ණයෙන්ම ක්‍රියාවට නැංවිය යුතුය යන දැඩි ස්ථාවරයේ බ්‍රිතාන්‍ය රජය සිටින බවත්, පරීක්ෂණ පිළීබදව විශ්වාසයක් ඇති කිරීමට නම්, ජාත්‍යන්තර විනිසුරුවරුන්ගේ දායකත්වය ඉතා වැදගත්වන බවත් ශ්‍රී ලංකාව සදහා වූ බ්‍රිතාන්‍යයේ මහකොමසාරිස් ජේම්ස් ඩොරිෂ් අවධාරණය කරයි.