ත්‍රිකුණාමලය, කින්නියා ප්‍රදේශයේදී වෙඩි තැබීමක් සිදුකර තිබේ.
ඊයේ (07) රාත්‍රීයෙදී මහාමාරු, නඩඋත්තු සුනාමි ගම්මානයේ පල්ලියක් අසලදී එම වෙඩි තැබීම සිදුකර ඇති බව වාර්තාවේ.
පොලීසිය පවසන්නේ යතුරුපැදියකින් ගමන්කරමින් සිටි දෙදෙනෙක්ට යතුරුපැදියකින් පැමිණි තවත් දෙදෙනෙක් විසින් එම වෙඩිතැබීම සිදුකර ඇති බවය.
ඉන් තුවාල ලැබූ දෙදෙනා පළමුව කින්නියා රෝහලට ඇතුළත් කර පසුව වැඩිදුර ප්‍රතිකාර සඳහා ත්‍රිකුණාමලය රෝහලට මාරුකර යවා ඇත.
තුවාල ලැබූ පුද්ගලයින් දෙදෙනා වයස අවුරුදු 30ක් සහ 33ක් වූ කින්නියා 05 ප්‍රදේශයේ පදිංචි දෙදෙනෙකි.