මන්නාරම, ඒරුක්කලම්පිටිය ප්‍රදේශයේදි අයිස් මත්ද්‍රව්‍ය කිලෝගෑම් 01 කට අධික ප්‍රමාණයක් සමග සැකකරුවන් තිදෙනෙකු අත්අඩංගුවට ගෙන තිබේ.
යතුරු පැදියකින් අදාළ මත්ද්‍රව්‍ය ප්‍රවාහනය කරමින් සිටි සැකකරුවන් දෙදෙනෙකු සහ ඊට ආධාර අනුබල දුන් තවත් සැකකරුවෙකු ත්‍රිරෝද රථයක් ද සමග අත්අඩංගුවට ගෙන ඇති බව පොලිසිය පවසයි.
මන්නාරම නාවික හමුදා කඳවුරේ නිලධාරින් ලබා දුන් තොරතුරක් මත මෙම වැටලිම සිදු කර තිබේ.
අත්අඩංගුවට ගත් සැකකරුවන් අවුරුදු 21 ත් 39 ත් අතර වයසේ පසුවන මන්නාරම ප්‍රදේශයේ පදිංචිකරුවන් ය.
ඔවුන් අද (05)දින මන්නාරම මහේස්ත්‍රාත් අධිකරණයට ඉදිරිපත් කිරීමට නියමිතය.