ප්‍රදේශ කිහිපයක සිදුකළ මත්ද්‍රව්‍ය වැටලීම්වලදී කාන්තාවක් ඇතුළු පුද්ගලයින් සිව්දෙනෙකු අත්අඩංගුවට ගෙන තිබේ.
පොලීසිය පැවසුවේ මන්නාරම, ග්‍රෑන්ඩ්පාස් සහ පානදුර ප්‍රදේශවලදී මෙම සැකකරුවන් අත්අඩංගුවට ගත් බවය.
මන්නාරම තානාපුරම් හංදිය අසලදී අයිස් මත්ද්‍රව්‍ය ත්‍රිරෝද රථයකින් ප්‍රවාහනය කරමින් සිටියදී සැකකරුවන් දෙදෙනෙකු අත්අඩංගුවට ගෙන ඇත.
එම සැකකරුවන් 25 හැවිරිදි සහ 30 හැවිරිදි මන්නාරම ප්‍රදේශයේ පදිංචිකරුවන් වන අතර ඔවුන් සතුව තිබී අයිස් මත්ද්‍රව්‍ය ග්‍රෑම් 50ක් සොයාගෙන තිබේ.
මේ අතර ග්‍රෑන්ඩ්පාස් වදුල්ලවත්ත ප්‍රදේශයේදී හෙරොයින් ග්‍රෑම් 05ක් සමග 40 හැවිරිදි පුද්ගලයෙකු අත්අඩංගුවට ගෙන ඇත.
පොලීසිය පැවසුවේ පානදුර රතුවත්ත ප්‍රදේශයේදී ද හෙරොයින් ග්‍රෑම් 105ක් සමග 44 හැවිරිදි කාන්තාවක් අත්අඩංගුවට ගත් බවය.