අගුණුකොලපැලැස්ස බන්ධනාගාරයේ රදවා සිටින රංජන් රාමනායක සිරකරුගේ දණහිසෙහි ඇතිවූ ආබාධයක් හේතුවෙන් ඊයේ (10) සවස ගාල්ල කරාපිටිය මහ රෝහලට ඇතුලත් කිරීමෙන් අනුතුරුව ඔහුව කොළඹ ජාතික රෝහලේ විකලාංග සායනයට ඉදිරිපත් කරන ලෙස එහි වෛද්‍යවරුන් උදෙස් ලබා දී ඇත.
එසේ හෙයින් මොහු ඊයේ දින සවස වැලිකඩ බන්ධනාගාර රෝහල වෙත මාරුකර යවා තිබේ.
එම වෛද්‍ය උපදෙස් අනුව අද (11) දින කොළඹ ජාතික රෝහලේ විකලාංග වෛද්‍ය සායනය වෙත ඔහු ඉදිරිපත් කිරීමෙන් අනතුරුව ලබන 16 වන දින නැවතත් එම සායනයට ඉදිරිපත් කිරීමට වෛද්‍යවරුන් උපදෙස් ලබාදුන් අතර 16 දින දක්වා කොළඹ වැලිකඩ බන්ධනාගාරයට අනුබද්ධ බන්ධනාගාර රෝහලේ ඔහුව රදවා තැබීමට බන්ධනාගාර දෙපාර්තමේන්තුව කටයුතු යොදා ඇත.