රුපියල් ලක්ෂ 15කට අධික අයිස් මත්ද්‍රව්‍ය තොගයක් සමග පුද්ගලයින් තිදෙනෙකු විශේෂ කාර්ය බළකාය විසින් අත්අඩංගුවට ගෙන තිබේ.
අවිස්සාවේල්ල පොලිස් වසමේ තල්දූව පොළ ඉදිරිපිට දී හා වේල්ලවීදිය පොලිස් වසමේ පරණ යෝන්වීදිය ප්‍රදේශයේදී ඊයේ (15)දින වැටලීම් 02 ක් සිදුකර ඇත.
එහිදී අයිස් මත්ද්‍රව්‍ය ග්‍රෑම් 208 මිලිග්‍රෑම් 890ක්, මත්ද්‍රව්‍ය අලෙවි කිරීමෙන් උපයාගත් 350,000ක්, මෝටර් රථයක්, ජංගම දුරකථන 06ක් අත්අඩංගුවට ගෙන තිබුණි.
සැකකරුවන් වයස අවුරුදු 24ත් 41ත් අතර පසුවන කොළඹ සහ අවිස්සාවේල්ල ප්‍රදේශවල පදිංචිකරුවන්ය.
සැකකරුවන් හා භණ්ඩ වැඩිදුර විමර්ශන කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාරදී ඇත.