නිරෝධායන ඇඳිරිනීතිය පනවා තිබියදී මාර්ගයක යතුරුපැදි සහ ත්‍රීරෝද රථ ධාවන කරමින් සංදර්ශන පවත්වමින් සිටි තරුණයින් පිරිසක් පසුගිය (12)වන දා අත්අඩංගුවට ගෙන තිබේ.
ඒ කෙරවලපිටිය විදුලිබලාගාරය ඉදිරිපිට ඇති මාර්ගයේදීය.
පසුව වත්තල පොලීසිය විසින් අදාළ පිරිසෙන් 12දෙනෙකු අත්අඩංගුවට ගෙන ඇත.
එහිදී යතුරුපැදි සහ ත්‍රීරෝද රථ කිහිපයක් ද පොලිස් භාරයට ගෙන ඇති අතර අනෙක් පිරිස විදුලිබලාගාරය ඉදිරිපිට ඇති තහනම් ප්‍රදේශට ඇතුළු වී එම ප්‍රදේශයෙන්ද පලා ගොස් තිබේ.
පලා ගිය පිරිස අතර වැල්ලම්පිටිය, ග්‍රෑන්පාස්, කොලොන්නාව,දෙමටගොඩ, මාලිගාවත්ත ප්‍රදේශ වල පිරිසක්ද වේ.