මඩකලපුව ඔට්ටමාවඩි ප්‍රදේශයේ කොවිඩ් ආසාදිත මළසිරුරු හයසියපහක් 605 ක් භුමදානය කර අවසන් බව සෞඛ්‍ය අමාත්‍යාංශයේ වෛද්‍ය තාක්ෂණික අංශයේ අධ්‍යක්ෂ වෛද්‍ය අන්වර් හම්දානි පවසයි.
ඊයේ (15)දින පෙරවරුව වන විට මෙම සංඛ්‍යාව භුමදානය කර ඇති බව ඔහු ප්‍රකාශ කළේය.
මෙලෙස භුමදානය කරන ලද මළසිරුරු අතර සිංහල පුද්ගලයන්ගේ මළසිරුරු 7ක්, කතෝලික ආගමිකයන්ගේ සිරුරු 12, හින්දු ආගමිකයන්ගේ සිරුරු 14 ක් සහ මුස්ලිම් ජාතිකයන්ගේ සිරුරු 572ක් ඇති බවද වෛද්‍ය හම්දානි සඳහන් කරයි.
ඔට්ටමාවඩි ප්‍රදේශයේ මළසිරුරු අටසීයක නවසීයක ප්‍රමාණයක් භූමදානය කිරීමට හැකියාව පවතින බවත් ඉදිරියේදි වෙනත් ස්ථානයක් මෙම මළසිරුරු භූමදානය කිරීමට තෝරාගැනීම සඳහා අදාළ කටයුතු සිදුකරන බවද ඔහු වැඩිදුරටත් පවසයි.
