පුද්ගලයෙකුට පහරදීමේ සිද්ධියක් සම්බන්ධයෙන් වව්නියාව නගර සභාවේ සභාපති රාසලිංගම් ගෞතම් මහතා සැකපිට අත්අඩංගුවට ගෙන තිබේ.
වව්නියාව තානායමේ කළමනාකරුට පහරදීමේ සහ එහි සේවකයින් දෙදෙනෙකුට තර්ජනය කිරීමේ සිද්ධියකට අදාළව වව්නියාව පොලීසියට අද (15)දින පෙරවරුවේ පැමිණිල්ලක් ලැබී තිබුණි.
ඒ සම්බන්ධයෙන් සිදුකළ විමර්ශනයකින් අනතුරුව වව්නියාව නගර සභාවේ සභාපතිවරයාව අත්අඩංගුවට ගත් බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.
අදාළ සිද්ධිය සම්බන්ධයෙන් වව්නියාව පොලීසිය වැඩිදුර විමර්ශන සිදු කරයි.