Colombo Today Local News

පාර්ලිමේන්තු පොලිසියේ තවත් නිලධාරීන් තිදෙනෙකුට කොරෝනා

පාර්ලිමේන්තු පොලිසියේ තවත් නිලධාරීන් තිදෙනෙකුට කොරෝනා ආසාදනය වී ඇතැයි ඊය (1)දින හඳුනා ගැනුණු බව පාර්ලිමේන්තු ආරංචි මාර්ගවලින් පැවසේ.

මේ නිලධාරීන් තිදෙනා අතර සැරයන්වරු දෙදෙනෙක්ද වෙති.

පාර්ලිමේන්තු පොලිසියේ මේ දක්වා කොරෝනා ආසාදිතවූ නිලධාරීන් සංඛ්‍යාව 9කි.

මින් පස්දෙනකු තවමත් ප්‍රතිකාර ලබන බවද සිව්දෙනකු සුවවී ප්‍රතිකාර මධ්‍යස්ථානවලින් පිටව ගොස් ඇති බව පොලිස් මූලස්ථානය පවසයි.

මෙම ආසාදිතයන් හමුවීමෙන් පසුව පාර්ලිමේන්තු පොලිස් කොට්ඨාශයේ නිලධාරීහු 75දෙනෙක් නිරෝධායනයට යොමු කරනු ලැබ සිටිති. මින් දෙදෙනකු නිරෝධායනයට යොමු කරනු ලැබ ඇත්තේ ගතවූ පැය 24 දීය.

පාර්ලිමේන්තු සංකීර්ණයේ කතානායක කාර්යාලය,නියෝජ්‍ය මහලේකම් කාර්යාලය ඇතුළු කාර්යාල කිහිපයකින්ද කොරෝනා ආසාදිත සේවකයෝ කිහිප දෙනෙක් පසුගිය දිනවල සොයා ගනු ලැබූහ.

මේ අතර පාර්ලිමේන්තුව ලබන 8 වෙනිදා යළි රැස්වීමට නියමිතය.

පාර්ලිමේන්තු රැස්වීම් ලබන සතියේ පැවැත්වෙන ආකාරය පිළිබඳව තීරණය කිරීම සඳහා පාර්ලිමේන්තු කටයුතු පිළිබඳ කාරක සභාවේ රැස්වීමක් කතානායක මහින්ද යාපා අබේවර්ධන මහතාගේ ප්‍රධානත්වයෙන් ලබන 7 වැනිදා උදේ 9.30ට පැවැත්වේ.

Related posts

අයි.එම්.එෆ් ගිවිසුම කඩන්න බෑ

Admin

අඩු කළ ලිට්‍රෝ ගෑස්වල නව මිල මෙන්න

colombotoday

කඩුගන්නාව ප්‍රා. රෝහලේ බැම්මක් කඩාවැටී පුද්ගලයෙකු ජීවිතක්ෂයට

Admin

නඩු දින අධිකරණයේ පෙනී නොසිටි බදියුදීන්ට යළි නොතීසි

colombotoday

දෙස් විදෙස් කුමන්ත්‍රණ හමුවේ නව වසරේ ජාතික අභිලාෂය කෙසේ විය යුතුද? මැදගොඩ අභයතිස්ස හිමි

colombotoday

කොළඹ ගම්පහ කලුතර අවධානම් කළාප වෙයි – නැවත දැනුම් දෙන තුරු ඇඳරි නීතිය. – අත්‍යවශ්‍ය ආහාර නිවෙස්වලටම

colombotoday