Colombo Today Local News

බාල වයස්කාර දැරියක් ගැබිණියක් කල සැකකරුවන් තිදෙනෙක් ඇතුළු මව අත්අඩංගුවට

බාල වයස්කාර 14 හැවිරිදි දැරියක් දූෂණය කළ බවට සැකපිට පුද්ගලයින් 3ක් අත්අඩංගුවට ගෙන තිබේ.

හාලිඇළ අඹවක ප්‍රදේශයේ අවුරුදු 14යි මාස 7 ක් වයසැති දැරියක් මෙලෙස දූෂණයට ලක්ව ඇතැයි හාලිඇළ පොලිස් ස්ථානාධිපතිවරයා ට පසුගියදා ලද තොරතුරක් මත විමර්ශන ආරම්භ කර ඇත.

මේ අතර, අදාළ දැරිය උදරයේ වේදනාවක් යැයි මවට පැවසීමත් සමග හාලිඇළ ප්‍රදේශයේ වෛද්‍යවරයෙකු වෙත ගොස් පරීක්ෂා කර ඇති අතර එහිදී ඇය මාස 4ක ගැබිනියක් බවට අනාවරණය වී තිබේ.

අදාළ සිදුවීම සම්බන්ධයෙන් පළමු සැකකරු වන්නේ, බදුල්ල ප්‍රදේශයේ පදිංචි පුද්ගලයෙකුය.

මවගේ අනුදැනුම මත දැරියව ආශ්‍රය කිරීමට එම පුද්ගලයාට අවස්ථාව සලසා දී ඇතැයි පරීක්ෂණවලදී අනාවරණය වී ඇත.

එම පුද්ගලයා 41ක් හැවිරිදි විවාහක අයෙකු බවත් ඔහුට අවුරුදු 7ක පුත්‍රයෙකු සිටින බවත් පොලීසිය සඳහන් කරයි.

දැරියට සිදුකළ අතවරය සම්බන්ධයෙන් දෙවන සැකකරුවන් වන්නේ හාලිඇළ ප්‍රදේශයේ පදිංචි 39 හැවිරිදි පුද්ගලයෙකුයි.

ඔහු ද දරුවන් තිදෙනෙකුගේ පියෙක් වන බවට අනාවරණය වී තිබේ.

තෙවැනි සැකකරුද එම ප්‍රදේශයේ ම පදිංචිකරුවෙක්ය.

සැකකරුවන් සියලුදෙනා මේ වනවිට අත්අඩංගුවට ගෙන බදුල්ල මහෙස්ත්‍රාත් අධිකරණය වෙත ඉදිරිපත් කර ඇති අතර සැකකරුවන් 18 වනදා දක්වා රක්ෂිත බන්ධනාගාර ගතකර තිබේ.

දැරියගේ මව ද එම අපරාධයට අනුබල දීම යටතේ පොලිස් අත්අඩංගුවට ගෙන ඇත.

වැඩිදුර විමර්ශන හාලිඇළ පොලීසිය විසින් සිදුකරයි.

Related posts

මහින්දට සුබ පතන්න මහ සෙනග වැළ නොකැඩී එයි.. වැද වැටෙති.. අත සිඹිති.. සෙල්ෆි ගන්න පොරකති

colombotoday

ගෙවුණු මාස 7ට ඩෙංගු රෝගීන් 56,000ක්

Admin

අත්‍යවශ්‍ය ද්‍රව්‍ය 50ක මිල අඩු වෙයි – සහල් වර්ග කිහිපයක් රුපියල් සියයට අඩුවෙන්

colombotoday

මේ රටට ලැබිල තියෙන ලොකුම තෑග්ග බුද්ධාගමයි. එය ආරක්ෂා කර ගැනීම අපි හැමෝගෙම වගකීමක් – කාදිනල් තුමා කියයි.

colombotoday

දෙවන තරගයේ ජය තියුණු ලෙස ශ්‍රී ලංකා කණ්ඩායමට

Admin

මුස්ලිම් කොංග්‍රසය සජිත්ගේ සන්ධානයට එක්වෙයි !

colombotoday