හිටපු ජනාධිපතිනී චන්ද්‍රිකා කුමාරනතුංග යටතේ බ්‍රිතාන්‍ය රජයේ සහයෝගයෙන් ක්‍රියාත්මක සංහිදියා සහ මානව හිමිකම් පිළිබඳ ප්‍රගතිය පිළිබඳ සාකච්ඡා කිරීම සඳහා බ්‍රිතාන්‍ය රජයේ ඉහළ පෙළේ නිලධාරීන් දෙදෙනෙකු දිවයිනට පැමිණ තිබේන බව වාර්තා වේ.
බ්‍රිතාන්‍ය විදේශ සහ පොදු රාජ්‍ය මණ්ඩල කාර්යාලයේ ස්ථිර ලේකම් සයිමන් මැක්ඩොනල්ඩ් සහ ජාත්‍යන්තර සංවර්ධනය සඳහා වු බ්‍රිතාන්‍ය දෙපාර්තමේන්තුවේ ස්ථීර ලේකම් මාර්ක් ලොව්කොක් යන මහත්වරුන් මෙසේ දිවයිනට පැමිණ අග්‍රාමාත්‍ය රනිල් වික්‍රමසිංහ මහතා, විපක්ෂනායක ආර්.සම්බන්ධන් මහතා සහ රජයේ නියෝජිතයින් කිහිප දෙනෙකු සමග සාකච්ඡා කිරීමට නියමිතය.
ඊට අමතරව දෙරට අතර සහයෝගීතාවයට අදාළ කරුණු කිහිපයක් අදාළ පාර්ශව සමග සාකච්ඡා කිරීමට නියමිත බව මහකොමසාරිස් කාර්යාලය ප්‍රකාශ කරයි.