ඉන්දුනීසියාවේ බෞද්ධ විහාරස්ථාන 6ක් ගිනිතබා විනාශ කර ඇති අතර, ඉන්දුනීසියානු බලධරීන් උපුටා දක්වන විදෙස් මාධ්‍ය වාර්තා කරන්නේ එම ගිනී තැබීම සම්බන්ධයෙන් ඉස්ලාම් භක්තිකයන් 7ත් දෙනෙකු අත්අඩංගුවට ගැනීමට එරට පොලීසිය කටයුතු කර ඇති බවයි.
උතුරු සුමාත්‍රා දූපතේ, තන්ජුන් බාලි නගරයේ පිහිටි මෙම විහාරස්ථාන එරට සුළුතර චීන ජාතිකයන් සිය ආගමික කටයුතු සදහා භාවිතා කර ඇතැයි සදහන්. සුමාත්‍රා දූපතේ ජීවත් වන චීන කාන්තාවක්, ඇගේ නිවස අසල පිහිටි මුස්ලිම් පල්ලියෙන් නැගෙන අධික ශබ්දය පිළිබඳව පැමිණිල්ලක් ඉදිරිපත් කිරීමෙන් පසුව බෞද්ධ සහ කොන්ෆියුසියස් දහමට සම්බන්ධ පන්සල්වලට ගිනි තබා ඇති බවයි වාර්තා වන්නේ.
අතීතයේ බෞද්ධ රටක් වූ ඉන්දුනීසියාවසියවස් ගණනාවක් පුරා සිදුවූ දැවැන්ත සංහාරයකින් පසුව මේ වන විට 86% කඉස්ලාම් බහුතරයකින් යුතු ඉස්ලාමීය රටක් බවට පත්ව තිබෙන අතර, සුළුතර ආගමිකයන් ඉලක්ක කරමින් ප්‍රහාර හා බියවැද්දීම් නිරන්තරයෙන්ම සිදුවන බවයි ජාත්‍යන්තර මාධ්‍ය වාර්තා පවසන්නේ.