බරපතල පිළිස්සුම් තුවාල ලබා මියගිය තරුණ යුවලකගේ සිරුරු විල්ගමුව ප්‍රදේශයේ වෙළඳ සැලක් තුල තිබී හමුවී තිබේ. මෙසේ මරණයට පත්ව ඇත්තේ 27 හැවිරිදි සැමියෙකු සහ ඔහුගේ 23 හැවිරිදි ගැබිණි බිරිඳයි.
විල්ගමුව පොලිසියට ඊයේ(18)දින රාත්‍රී 10ට පමණ ලැබුණු තොරතුරකින් කියවි ඇත්තේ විල්ගමුව, නුගගොල්ල, මිවාඕබේ ප්‍රදේශයේ වෙළඳ සලක කාමරයක් තුල ගිනි තබාගෙන යුවලක් මියගොස් ඇති බවටයි.
ඒ අනුව එම ස්ථානයට පැමිණි විල්ගමුව පොලිසිය විමර්ශන ආරම්භ කර තිබේ. එහිදී දැක ගැනීමට හැකිවුයේ ගිනි ගැනීමෙන් ඇති වූ පිළිස්සුම් තුවාල ලබා නිවසකට යාබද වෙළඳසැලක කාමරයක් තුල යුවලක් මරණයට පත්ව සිටින ආකාරයයි.
27 හැවිරිදි තරුණයෙක් සහ 23 හැවිරිදි ඔහුගේ බිරිඳ මෙලෙස මරණයට පත්ව තිබෙනවා.
ප්‍රදේශවාසීන් පවසන්නේ මෙලෙස මරණයට පත්ව ඇති කාන්තාව 8 මස් ගැබිනියක බවයි. මෙම මරණ ගිනිතබාගෙන සියදිවි නසාගැනීමක්ද නැතහොත් කිසිවෙකු ගිනි තැබුවේද යන්න පිළිබඳව පොලිස් විලර්ශන සිදු කිරීමට නියමිතයි.
අද දහවල් මුලික මහේස්ත්‍රාත් පරීක්ෂණය පැවැත්වෙන අතර, සිද්ධිය සම්බන්ධයෙන් විල්ගමුව පොලිසිය පරීක්ෂණ සිදු කරයි.