Colombo Today Local News

පොල් ඉඩම්වල වැලි කැනීම් බලපත්‍ර නිකුත් කිරීම අත්හිටුවයි

පොල් ඉඩම්වල වැලි කැණිම් සඳහා බලපත්‍ර නිකුත් කිරීම අත්හිටුවීමට පරිසර අමාත්‍ය මහින්ද අමරවීර මහතා තීරණය කර තිබේ.

ඒ අනුව ඊට අදාළ කටයුතු සිදුකරන ලෙස අමාත්‍යවරයා භූ විද්‍යා සමීක්ෂණ හා පතල් කාර්යාංශයට උපදෙස් ලබාදුන් බව පරිසර අමාත්‍යාංශය සඳහන් කරයි.

පොල් ඉඩම්වල සිදුකරන වැලි කැණිම් හේතුවෙන් බරපතළ පාරිසරික හානියක් මෙන්ම පොල් ඵලදාව අඩුවීමක් ද සිදුවන බව පසුගියදා පාර්ලිමේන්තුවේදී පැවැති පරිසර අමාත්‍යාංශ උපදේශක කාරක සභාවේදී අනාවරණය වී තිබුණි.

විශේෂයෙන් වයඹ පළාත තුළ මෙම කටයුතු ඉතා බරපතළ ලෙස සිදුවන බව එහිදී අනාවරණය වී ඇත.

මෙම දිනවල වෙළඳපොලේ පොල් මිල ඉහළයෑමට මෙන්ම වාර්ෂික පොල් අස්වැන්න අඩුවීමට මෙම තත්ත්වය ප්‍රබල හේතුවක් වී ඇති බව උපදේශක කාරක සභාවේදී සාකච්ඡා වී තිබේ.

ඉදිරිපත් වූ කරුණු සැළකිල්ලට ගත් විෂයභාර අමාත්‍ය මහින්ද අමරවීර මහතා පොල් වගා ඉඩම්වල වැලි කැණිම් සිදු කිරිම් සඳහා බලපත්‍ර නිකුත් කිරීම අත්හිටුවීමට සහ වැලි කැණිම් බලපත්‍ර යොදා ගනිමින් පොල් ඉඩම්වල කැණිම් සිදු කරන පුද්ගලයින්ට එරෙහිව නීතිමය පියවර ගන්නා ලෙස බලධාරින්ට උපදෙස් ලබාදුන් බව පරිසර අමාත්‍යාංශය සඳහන් කරයි.

Related posts

තමාගේ මෝටර් රථයට එල්ල වූ වෙඩි ප්‍රහාරය ගැන මන්ත්‍රී උද්දික කතා කරයි

Admin

ප්‍රියන්ත කුමාරගේ පවුලට රජයෙන් මුදල් ප්‍රදානයක්

colombotoday

හිටපු ඇමති තොන්ඩමන්ගේ අවමංගල්‍ය උත්සවයට ගිය තිදෙනෙක්ට කොරෝනා රෝග ලක්ෂණ

colombotoday

“හම්බන්තොට වරායේ උද්ඝෝෂනයට මැරයන් ආවේ රුපියල් 500 බත් පැකට් එකටයි“ – සජිත්

colombotoday

අධිභාර පනත් කෙටුම්පතට එරෙහිව සජබ න් පෙත්සමක්

colombotoday

රට වෙනුවෙන් කොටියාට වම් ඇස දුන් රණවිරුවාගේ දකුණු ඇසටත් කදුළුගෑස් ප්‍රහාරයෙන් හානි

colombotoday