හපුතලේ ප්‍රාදේශීය සභාවේ සභාපතිවරයාගේ පහර දීමෙන් තුවාල ලැබූ පුද්ගලයකු අද (7)දින හපුතලේ දිසා රෝහලට ඇතුළත් කළ බව හපුතලේ පොලීසිය කියයි.
පල්ලියට අයත් වැටක් ඉදි කරමින් සිටි යදී අවසර නොමැතිව වැට ඉදි කරන බවට තර්ජනය කරමින් තමාට පහර දුන් බව ඔහු පොලිසියට පවසා තිබේ.
මේ පිළිබඳව හපුතලේ ප්‍රාදේශීය සභාවේ සභාපති කේ බී කන්දසාමි කන්නා මහතාගෙන් කළ විමසුමකදී මෙසේ කීවේය.
මා ඔහුට පහර දීමක් කළේ නැහැ. ඔහු මා සමග පෞද්ගලික අමනාපකමක් තිබෙනවා. ඔහු මුහුණට හමුවූ අවස්ථාවේ මට පහරදීමට පැමිණියා. මා තල්ලු කරද්දී ඔහු කානුවට වැටුනා යැයි ද සභාපතිවරයා පැවසීය.