අගමැති රනිල් වික්‍රමසිංහ මුදල් ඇමැතිවරයා ලෙස ජනාධිපතිවරයා ඉදිරිපිටදී අද (25)දින දිවුරුම් දීමට නියමිතය.
වෙනත් විෂයන්වලට ඇමැතිවරුන් දිවුරුම් දී ඇතත් මුදල් ඇමැතිවරයකු මෙතෙක් දිවුරුම් දී නොතිබිණි. මුදල් ඇමැති ලෙස දිවුරුම්දීමෙන් පසු සිය පළමු රාජකාරිය සහන අයවැයක් කඩිනමින් පාර්ලිමේන්තුවට ඉදිරිපත් කිරීම බව අගමැති රනිල් වික්‍රමසිංහ වාණිජ මණ්ඩල හා ආර්ථික උපදේශකයන් සමග පෙරේදා (23)දින අගමැති කාර්යාලයේදී පැවැති සාකච්ඡාවකදී ප්‍රකාශ කළේය.
ප්‍රාග්ධන වියදම් අඩු කර එම මුදල් සුභසාධන කටයුතු සඳහා වැඩි වශයෙන් යොමු කිරීමටද අගමැතිවරයා තීරණය කර ඇත. ඩොලර් වැඩි වශයෙන් ලංකාවට ගෙන ඒම සඳහා වූ විවිධ ක්‍රමවේද ද මෙහි දී සාකච්ඡා කර තිබේ.