Colombo Today Local News

“වෙසක් පොහොයෙන් අපට වැඩක් නෑ…..” – “පුවත සදාචාරාත්මක නෑ… එහෙම කීවෙ නෑ” – පෙරටුගාමී පක්ෂය

ජාත්‍යන්තර කම්කරු දිනය සැමරුම කල් දැමීමට රජය ගෙන ඇති තීරණය පිළිබදව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා විසින් මාධ්‍ය හමුවකදී කරන ලද ප්‍රකාශයක් සම්බන්ධයෙන් Colombotoday පලකළ පුවතකට අදාලව එම පක්ෂය විසින් අප වෙත ඉල්ලීමක් යොමුකර තිබෙනවා.

පෙරටුගාමී සමාජවාදී පක්ෂයේ මාධ්‍ය ඒකකය වෙනුවෙන් චන්දන සිරිමල්වත්ත මහතා විසින් අප වෙත යොමුකර ඇති එම ඉල්ලීම පහත දැක්වේ.

“අප පක්ෂය විසින් මාර්තු 28 වැනිදා පැවැත්වූ පුවත්පත් සාකච්ඡාවකදී ප්‍රකාශ කළ බවට වැරදි තොරතුරු ඔබ වෙබ් අඩවියේ පළ කර ඇත.
විශේෂයෙන් “වෙසක් පොහොයෙන් අපට වැඩක් නෑ.. කම්කරු දිනය කල් නොදමනු – පෙරටුගාමීන්ට මළපනී, අරගලයකට සැරසෙයි“ වැනි සිරස්තලයකින් අප පක්ෂය ප්‍රකාශ කළ අදහස් විකෘතිකර පළ කිරීම කිසිසේත්ම සදාචාරාත්මක නැත. ඔබ විසින් අප පක්ෂයේ අධ්‍යාපන ලේකම් පුබුදු ජයගොඩ සහෝදරයාගේ ප්‍රකාශය උපුටාගෙන පළ කළ පුවතේද එසේ අප විසින් ප්‍රකාශ කළ බවක් දක්නට නොමැත. ඒ නිසා මෙම වරද වහාම නිවැරදි කරන ලෙස කාරුණිකව ඉල්ලමි”

චන්දන සිරිමල්වත්ත, මාධ්‍ය ඒකකය

පෙරටුගාමී සමාජවාදී පක්ෂය

අප විසින් පලකල එම ප්‍රවෘත්තියේ පුවත් ශීර්ෂය ලෙස යොදාගෙන ඇත්තේ පුබුදු ජයගොඩ මහතා විසින් කරන ලද ප්‍රකාශයෙන් ගම්‍ය වන සංෂිප්ත අදහසක් පමණක් වන අතර, අදාළ පුවත් ශීර්ෂය පුබුදු ජයගොඩ මහතා විසින් කරල ලද ප්‍රකාශයක උපුටනයක් ලෙස සදහන් කර නොමැත.  අදාළ පුවතෙහි පුබුදු ජයගොඩ මහතා විසින් මාධ්‍ය සාකච්ඡාවේදී කල ප්‍රකාශය එලෙසින්ම උපුටාගෙන පලකර ඇති අතර, කරුණු විකෘති කිරීමක් සිදුකර නොමැති බවද වගකීමෙන් සදහන් කළ යුතුය.

ප්‍රවෘත්ති සංස්කාරක
කලම්බු ටුඩේ

 

 

Related posts

දෙමල සන්ධානය, නිදහස් පක්ෂය සමග සන්ධාන ගතවීමේ සූදානමක් (VIDEO)

colombotoday

ශ‍්‍රීලනිපයෙන් මෛත‍්‍රී ඉවතට නායකත්වය මහින්දට

colombotoday

ගිරිබාව රෝහල තාවකාලිකව වසා දමයි

colombotoday

කොටි සිරකරුවන්ට නිදහස.අලුත් විවස්ථාවෙන් සෙනට් සභාවක්. – රනිල්ගෙන් යාපනයේදී පොරොන්දුවක්

colombotoday

කොළඹට පැය 16ක ජල කප්පාදුවක්

colombotoday

දෙසැම්බර් 31ට පෙර හමුදාව භාරයේ පවතින උතුරේ ඉඩම් නිදහස් කරන්නැයි ජනපති නියෝග කරයි

colombotoday