Colombo Today Local News

කළුගල් වැඩබිම් රැසකින් පුපුරණ ද්‍රව්‍ය අතුරුදන් – ජාතික ආරක්ෂාවට තර්ජනයක් බව ජාතික විගණන කාර්යාලය වාර්තා කරයි.

රට පුරා කළු ගල් වැඩ බිම් රැසකට ගෙනවිත් තිබූ විවිධ වර්ගයේ පුපුරණ ද්‍රව්‍ය විවිධ ප්‍රමාණවලින් පසුගිය කාලයේදී වරින්වර අතුරුදන්වී ඇතැයි වාර්තා වේ.

කළු ගල් වැඩපළවල්වලට ගෙන එනු ලබන පුපුරණ ද්‍රව්‍ය මේ ආකාරයට අතුරුදන්වීම හෝ අස්ථානගතවීම ජාතික ආරක්ෂාවට ප්‍රබල තර්ජනයක් බව ජාතික විගණන කාර්යාලය නිකුත් කළ එහි අලුත්ම වාර්තාවක සඳහන් වේ.

මේ නිසා ඒ සම්බන්ධයෙන් විශේෂිත අධීක්ෂණ ක්‍රියාවලියක් ආරම්භ කරන්නැයි එම කාර්යාලය රජයට නිර්දේශ කර ඇත.

හම්බන්තොට අම්බලන්තොට ලියන්ගස්තොට ප්‍රදේශයේ කළු ගල් වැඩපොළක පුපුරණ ද්‍රව්‍ය භාවිතා කළ ප්‍රමාණයට සාපේක්ෂව කලු ගල් කැඩීමක් සිදුවී නැතැයි තහවුරුවී ඇත. ඒ අනුව අතිරික්ත පුපුරණ ද්‍රව්‍ය වලට සිදුවූ දේ ගැන කිසිදු තොරතුරක් අනාවරණය නොවන බව එම විගණන වාර්තාවේ වැඩිදුරටත් සඳහන් වේ. මෙවැනි සිද්ධීන් තවත් ප්‍රදේශවලින්ද වාර්තාවී ඇත.

ගල් වැඩපළවල්වලින් මෙසේ අතුරුදන්ව ඇතැයි පැවසෙන්නේ ගල් වෙඩි බෙහෙත්, ඇමෝනියම් නයිට්රේට් සහ වෝටර් ජෙල් යනාදී පුපුරණ ද්‍රව්‍ය විශේෂයන්ය.

Related posts

“අගමැතිට විරුද්ධ වෙන්න අපට බෑ” – විශ්වාසභංගය ගැන ශ්‍රීලනිප මතය එස්.බී. කියයි

colombotoday

තුර්කි ෆෙටෝ ත්‍රස්තයන්ගේ ලංකාවේ ව්‍යාපාර ජාලයට දේශපාලන රැකවරණ දීලා – පාස්කු ප්‍රහාර කොමිසමේදී කබීර්ගේ, රිෂාඩ්ගේ රෙදි ගැලවෙයි !

colombotoday

කාදිනල්තුමන්ට කොරෝනා

colombotoday

වර්ෂාවෙන් ජල විදුලි නිෂ්පාදනය සියයට 4 කින් ඉහළ යයි

colombotoday

මෙතෙක් නිල නිවාස, වාහන බාර නොදුන් ගිය රජයේ ඇමතිලාට නීතිමය පියවර !

colombotoday

ගෝඨාට ඉතිහාසයේ නොවූ විරූ ආකාරයේ ජයග්‍රහණයක් ලැබෙනවා

colombotoday