Colombo Today Local News

ගැටුම් ඇතිකළේ පිට පළාත්වලින් ආ පිරිසක්.. හානි වූ දේපළ වෙසක් පොහොයට පෙර හදා දෙනවා – හමුදාපති

මහනුවර ඇති වූ නොසන්සුන්කාරී තත්ත්වය හේතුවෙන් හානි වූ පූජනීය ස්ථාන හා නිවාස එළඹෙන වෙසක් පුන් පොහෝ දිනට පෙර ප්‍රතිසංස්කරණය කර හිමිකරුවන්ට භාරදෙන බව යුද හමුදාපති ලුතිනන් ජනරාල් මහේෂ් සේනානායක මහතා පැවසීය.

ඊයේ (08දා) මල්වතු මහනායක අතිපූජ්‍යය තිබ්බටුවාවේ ශ්‍රී සිද්ධාර්ථ සුමංගල මහනායක ස්වාමීන්ද්‍රයන් බැහැ දැක ආශීර්වාද ලබාගත් අවස්ථාවේ ඒ මහතා මේ බව ප්‍රකාශ කළේය.

විනාශවී ඇති සියලු ගොඩනැගිලි යථා තත්ත්වයට පත්කිරීම සඳහා ජනපති කාර්යාලයෙන් ඊට අවශ්‍යය මුදල් ප්‍රතිපාදන ලබා දෙන බවත්, ජනපති උපදෙස් මත ත්‍රිවිධ හමුදාවේ මෙහෙය වීමෙන් අදාළ වැඩපිළිවෙළ ක්‍රියාත්මක කරන බවත් යුද හමුදාපතිවරයා එහිදි පැවසීය. මෙවර වෙසක් පුන් පොහෝ දිනය එළඹෙන අප්‍රේල් මස 29 දිනට යෙදී තිබේ.

මහනුවර ඇති වූ කලහකාරි සිදුවීම පිටුපස පිට පළාත්වලින් පැමිණි පිරිසක් සිටින බවත්, මේ වනවිට ඔවුන් හඳුනා ගෙන තිබෙන බවත් හෙතෙම ප්‍රකාශ කළේය.

මහනුවර ජීවත්වන සාමකාමී ජනතාව උසිගන්වමින් නොයෙක් කඩාකප්පල්කාරී සිදුවීම් ඇති කිරීම සඳහා මොවුන් නායකත්වය ලබාදෙමින් සිටින බවත්, භික්ෂූන් වහන්සේලා කිහිපනමක්ද ඒ අතර සිටින බවත් යුද හමුදාපතිවරයා ප්‍රකාශ කළේය.

Related posts

ගෑස් 275කින්, කිරිපිටි 100කින් වැඩි කරන්න ඉල්ලයි.. තීරණය ජනපති අතේ

colombotoday

ජන ගැටළු විසදන්න ජනපති ගමින් ගමට !

colombotoday

හම්බන්තොට වරාය චීනයට දීමට කැබිනට් අනුමැතිය හිමිවේ

colombotoday

සරණාගතයන් කියාගෙන ආ තවත් පාකිස්ථානුවන් 13ක් කටුනායකින් මෙරටට ඇතුල් වේ !!

colombotoday

මල්වානේ වල්ගම බෝඩිම් කාමරේ කෝටියක ගංජා

colombotoday

කුඩු වික්ක සැකකරුවෙකුගේ කෝටි 10ක වත්කම් විමර්ශන නිලධාරීන් භාරයට

Admin