පළාත් පාලන ඡන්ද විමසීම සිදුවන දා යම් නොසන්සුන්කාරී තත්ත්වයත් මතු වුවහොත් දණ්ඩ නීති සංග්‍රහයේ 93 හා 96 වගන්තිවලට අනුව වෙඩි තැබීමේ බලය පොලිස් නිලාධාරියෙකු සතුව පවතින බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.
මෙම මැතිවරණයේදී සෑම ඡන්ද මධ්‍යස්ථානයකටම පොලිස් නිලධාරීන් දෙදෙනකු බැගින් ගිනි අවි සහිතව යොදවන බවද පැවැසීය.
යම් මධ්‍යස්ථානයක නොසන්සුන්කාරී තත්ත්වයක් මතු වුවහොත් පොලිස් නිලධාරීන් ක්‍රියා කළයුතු ආකාරය පිළිබඳ එම නිලධාරීන් දැනුවත් වී සිටින බවද දණ්ඩ නීති සංග්‍රහයේ 92/4 වගන්තියේ සීමා කිරීම්වලට අදාළව එම වෙඩි තැබිම සිදුකළ යුතු බවද ඒ මහතා වැඩිදුරටත් සඳහන් කර සිටියේය.