නවගත්තේමගම නගරයේදී තරුණයෙකුට පහදීමේ සිද්ධියක් සම්බන්ධයෙන් ආණමඩුව ආසනයේ ශ්‍රී ලංකා නිදහස් පක්ෂ ප්‍රධාන සංවිධායක ආනන්ද සරත් කුමාර මහතාගේ පුත්‍රයා සහ තවත් තරුණයෙකු රුපියල් ලක්ෂ දෙක බැගින් වූ ශරීර ඇප මත මුදාහැරීමට ආණමඩුව මහෙස්ත්‍රාත් ජනන විජේතුංග මහත්මිය නියෝග කළාය.
පසුගිය 10 වැනිදා නවගත්තේගම ඉන්ධන පිරවුම්හල අසලදී මෙම ගැටුම සිදුවී ඇති අතර පහරකෑ තරුණයා නවගත්තේගම රෝහලට ඇතුළත් කිරීමෙන් අනතුරුව කුරුණෑගල ශික්ෂණ රෝහලට ඇතුළත් කර ඇත.
නවගත්තේගම විදුහලක ගුරුවරියක දණ ගැස්වීමේ සිද්ධියක් සම්බන්ධයෙන් ආණමඩුව ශ්‍රීලනිප සංවිධායක ආනන්ද සරත් කුමාර මහතා රක්ෂිත බන්ධනාගාරගත කර සිටියේය.