අම්පාර, පානම ශාස්ත්‍රවෙල ප්‍රදේශයේ ජීවත් වූ “පානම දළපූට්ටුවා” නමින් හැදින්වෙන හස්තියාද මාස 10 ක කාලයක සිට දකින්නට නැතැයි ප්‍රදේශවාසීහූ පවසති. ප්‍රදේශවාසීන් එම ඇතු අවසන්වරට දැක ඇත්තේ පසුගිය පෙබරවාරි මාසය අවසානයේදී බව පැවසේ.
මේ අතර, මින්නේරිය ජාතික වනෝද්‍යානයේ සැරිසරන “කතිර දළ ඇතා” නොහොත් මහසෙන් දළ පූට්ටුවා ද මාස 8කට පමණ පෙර සිට දැකගන්නට නැතැයි ප්‍රදේශවාසීන් සදහන් කර තිබේ.
කෙසේ වෙතත් තතිර දළ ඇතා අතුරුදන් වී ඇති බවට පල වන වාර්තා ප්‍රතික්ෂේප කරන පරිසර සංවිධාන පවසන්නේ එම ඇතු සෑම වසරකම අප්‍රේල් මාසය වන විට මින්නේරිය ජාතික වනෝද්‍යානයට යළි පැමිණෙන බවයි.