රෝහින්ග්‍යා සරණාගතයන්ට හිරිහැර කිරීම මනුෂ්‍යත්වයට නිගා කිරීමක් බවත්, රට හා ජනතාව ආගමික සංස්ථාව අපකීර්තියකට ලක් කිරීමක් බවද ජනතා විමුක්ති පෙරමුණ සඳහන් කරයි.
එක්සත් ජාතීන්ගේ සරණාගතයන් පිළිබඳ කොමිසමේ භාරකාරීත්වය යටතේ ලංකාව තුළ තාවකාලිකව රඳවා සිටින සරණාගතයන්ට ඉතාමත් කුඩා ජාතිවාදී අන්තවාදී කණ්ඩායම් සිදුකරන ක්‍රියා නිසා යළිත් වතාවක් විදේශ අත පෙවීම් සිදුවිය හැකි බවද එම පක්ෂය මාධ්‍ය නිවේදනයක් නිකුත් කරමින් සඳහන් කළේය.
ජාතිවාදය, ආගම්වාදය කුමන රටක, කුමන වර්ගයකට අයත් ජන කොටසක හෝ කුමන භාෂාවක් කතා කරන පිරිස් අතර සිදුවූවක් එමගින් සිදුවන්නේ මනුෂ්‍යත්වයට හානියක් බවද එම නිවේදනය මගින් වැඩිදුරටත් පෙන්වා දී තිබේ.