අස්ගිරි මහ විහාර පාර්ශවය විසින් ඊයේ(20) දිනයේ නිකුත් කරන ලද විශේෂ නිවේදනය සම්බන්ධයෙන් ඉදිරියේ දී කරුණු අධ්‍යයනය කර ප්‍රකාශයක් සිදුකිරීමට රජය කටයුතු කරන බව සම කැබිනට් ප්‍රකාශක අමාත්‍ය රාජිත සේනාරත්න මහතා පවසයි.
අස්ගිරි මහා විහාර පාර්ශවය අදාළ නිවේදනය නිකුත් කරමින් රජය විසින් ක්‍රියාත්මක කළ යුතු කරුණු 8ක් පිළිබඳ අවධානය යොමු කර තිබේ.
මේ සම්බන්ධයෙන් අද(21) කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදීන් විමසා සිටි අතර ඊට සම කැබිනට් ප්‍රකාශක අමාත්‍ය රාජිත සේනාරත්න මහතා පිළිතුරු ලබාදුනි.