Colombo Today Local News

මුස්ලිම් ඇඳුමින් බස් නැවතුමේ සිටි කාන්තාව මහනුවර පොලිසියේදී පිරිමියෙක් වෙයි

මහනුවර ගුඩ්ෂෙඩ් බස් නැවතුමේ ඉකුත් 02 දින රාජකාරියේ යෙදී සිටි පොලිස් නිලධාරීන්ගේ ඇස බොහෝ වෙලාවක් රැඳී සිටි මුස්ලිම් ජාතික කාන්තාවක් වෙත යොමුව ඇත්තේ ඇයගේ හැසිරීමේ රටාව සැක සහිත වී ඇති බැවින්.

හිස මෙන්ම ශරීරයද සම්පුර්ණ වැසෙන ආකාරයෙන් සම්ප්‍රදායික මුස්ලිම් කතක් අයුරින් සැරසි සිට ඇති ඇය බස් නැවතුමේ ගමන් ගන්න මගින් දෙස මෙන්ම බස් රථවලින් බැස යන මගින් දෙසද මහත් උවමනාවෙන් අවධානය යොමු කිරීම සම්බන්ධයෙන්ද පොලිස් නිලධාරීන් පැය 02 කට අධික කාලයක් තම අවධානය යොමු කර ඇත.

එම කාන්තාව පිලිබඳ සැක සිතූ පොලිස් නිලධාරීන් ගුඩ්ෂෙඩ් බස් නැවතුම වෙත කාන්තා පොලිස් නිලධාරිනියක් කැඳවා මෙම කාන්තාවගේන් ප්‍රශ්න කිරීමට සූදානම් වූ අවස්ථාවේ කලබල වූ කත ධාවනය වෙමින් පැවති බස් රථයකට ගොඩවී පළා යාමට උත්සහ කලද පොලිස් නිලධාරීහු බස් රථය නවත්වා ඇය තම භාරයට ගෙන තිබේ.

මෙම කාන්තාව මහනුවර මූලස්ථාන පොලිස් ස්ථානය වෙත රැගෙන විත් කාන්තා පොලිස් නිලධාරිනියක් යොදවා සෝදිසි කිරීමේදී හෙළිව ඇත්තේ මුස්ලිම් කාන්තාවක් ලෙස වෙස් වලාගෙන සිට ඇත්තේ පුරුෂයෙකු බවයි.

ප්‍රශ්න කිරීමේදී හෙළිව ඇත්තේ මොහු 27 හැවිරිදි විවාහක එක් දරු පියෙකු බවය. මහනුවර මයිලපිටිය ප්‍රදේශයේ පදිංචි මොහුගේ 26 හැවිරිදි බිරිඳගේ අනියම් සම්බන්ධතාවයක් හසු කර ගැනීම සඳහා කාන්තාවකගේ වෙස් ගෙන ගුඩ්ෂෙඩ් බස් නැවතුමට වී බලා සිටි බවද මොහු පොලීසියට පවසා ඇත.

මයිලපිටියේ පදිංචි මෙම පුද්ගලයාගේ බිරිඳ ගම්පොල ප්‍රදේශයේ ආයතනයක රැකියාව කරන අතර ඇය එහි සේවය කරන තරුණයෙක් සමඟ අනියම් සබඳකමක් ඇති කර ගැනීමෙන් පවුලේ ප්‍රශ්න ඇතිවූ බවද සේවය නිමවී ඇය තම පෙම්වතා සමඟ පැමිණෙන තෙක් ගුඩ්ෂෙඩ් බස් නැවතුමේ රැඳී සිටි බවද කිසිවෙකුට හෝ සැක නොසිතෙන පරිදි මුස්ලිම් කාන්තාවකගේ වෙස් ගත් බවද අත්අඩංගුවට පත් තරුණයා පොලීසියට පවසා තිබේ.

මහනුවර මුලස්ථාන පොලීසියේ ජංගම මුර සංචාර ඒකකය හා හසිදී ඇමතුම් අංශය මගින් සැක කටයුතු පුද්ගලයා අත්අඩංගුවට ගෙන ඇති අතර මුලස්ථාන පොලිස් ස්ථානාධ්පති ප්‍රධාන පොලිස් පරීක්ෂක උපාලි නාරම්පනාව මහතාගේ උපදෙස් මත සිද්ධිය පිළිබඳව පරීක්ෂණ පැවැත්වේ.

Related posts

රටම කඳුළින් තෙත් කළ සුනාමි ඛේදවාචකයට 18 වසරක් ගෙවී අවසන්

Admin

“දැන් ඊළාම් රාජ්‍යයේ ඔප්පුව ලියල ඉවරයි.. මේ හදන්නේ ඔප්පුවට අනුව මායිම් කණු දාන්නයි” ඇල්ලේ ගුණවංශ හිමි

colombotoday

හිටපු ජනපති මහින්ද ශ්‍රීලනිප මහඇමතිවරුන් හමුවෙයි

colombotoday

CSN අත්හිටවුවායැයි අපි දන්නේ නෑ – ඒ නිසා දිගටම විකාශන කටයුතු සිදු කරනවා – රොහාන් වැලිවිට

colombotoday

රනිල්ට සමකල හැකි කිසිවෙකු පාර්ලිමේන්තුවේ නෑ -SJB මන්ත්‍රී නලින් බණ්ඩාර කියයි

colombotoday

රවී කරුණානායක පරාජය වෙයි. එජාප නියෝජ්‍ය නායක ධුරය රුවන් විජයවර්ධනට

colombotoday