Colombo Today Local News

නිවසක් ගිනිගෙන තිදෙනෙක් රෝහලේ

පනාපිටිය, මානන්දූව පාරේ නිවසක අද (30) අලුයම හටගත් ගින්නකින් සිව්දෙනෙකු තුවාල ලබා ඇති බවත් ඉන් කාන්තාවන් දෙදෙනකු නාගොඩ මහ රෝහලට ඇතුළත් කර ඇති බවත් කළුතර උතුර පොලිසිය පවසයි.

නිවසේ විදුලිය විසන්ධි වී ඇති මොහොතේ ඉටිපන්දමක් දල්වා ඇති අතර, මධ්‍යම රාත්‍රි නැවත විදුලිය ලැබීමෙන් පසු නිවැසියන් නිදාසිටින විට වයෝවෘද්ධ කාන්තාවක සිය හැරමිටිය ආධාරයෙන් පැමිණ ඉටිපන්දම නිවා දැමීමට උත්සාහ දැරීමේදී ඉටිපන්දම අසල තිබූ ඇදට වැටී ගින්න පැතිර ගොස් ඇති බව පොලිසිය කියයි.

නිවසේ කාමර දෙකකට ගින්න පැතිර ගොස් නිවෙස් හිමිකරුගේ මව සහ ලේලිය පිළිස්සීම් තුවාල ලබා රෝහල් ගතකර ඇති අතර,නිවෙස් හිමිකරු සහ ඔහුගේ බිරිඳ සුළු තුවාල ලබා ඇති බව පොලිසිය සදහන් කරයි.

ගින්නෙන් නිවසේ අඩක් පමණ මුළුමනින්ම විනාශ වී ඇති අතර, දේපල වලටද දැඩි හානි සිදුව ඇත. කළුතර නගර සභාවේ ගිනි නිවන අංශයේ නිලධාරීන් පැමිණ ප්‍රදේශවාසීන් ගේ සහාය ඇතිව ගින්න පාලනය කර ඇත.

කළුතර උතුර පොලිසිය වැඩිදුර පරීක්ෂණ පවත්වති.

Related posts

සම්බන්දන් දැන් සැබෑ ජාතික නායකයෙක්, මං උත්තර දෙන්නේ රතුපස්‌වල ලේ නොගෑවුණු අයට විතරයි – අගමැති

colombotoday

ලසන්ත වික්‍රමතුංගගේ දේහය ගොඩගැනේ (Photo)

colombotoday

“යුද අපරාධ කළ බව තහවුරු වුවහොත් ඒ නිලධාරින්ට එරෙහිව ක්‍රියාමාර්ග ගන්නවා“ – යුදහමුදාපති

colombotoday

“ආණ්ඩුව පෙරළන්න නෙවයි, මහින්දට වෙන්නෙ අඬන්න“ – අගමැති

colombotoday

සොයිසාපුර මහල් නිවාස සංකීර්ණයේ ගින්නෙන් තුවාල ලැබූ තරුණයා මිය යයි

colombotoday

අටළුගම මාරාව තැපැල්පතිනියට – බාල පුතුට කොරෝනා

colombotoday