“අපේ ගමට කොළඹ කුණු එපා කියන අයට කොළඹට එන්න අයිතියක් නෑ“ යැයි බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.
කොළඹ යනු කාගේත් පොදු දේපොළ ක් බවත්, කොළොන්නාව කසල කන්ද දෙස බැලූ විට එහි කොළඹ කසළ පමණක් නොව බියගම හා කඩුවෙල ආදී ප්‍රදේශවල කසළ බැහැර කර ඇතැයි ද පැවසීය.
අමාත්‍යවරයා මෙම අදහස් පළ කළේ පසුගිය දා මීතොටමුල්ල කසළ කන්ද නාය යෑමෙන් විපතට පත් වූවන්ට සාලමුල්ල, ලක්සද සෙවණ නිවාස සංකීර්ණයේ නිවාස ලබා දීමේ අවස්ථාවට එක වෙමිනි.