වර්ධනය වෙමින් පවතින ඉස්ලාම් අන්තවාදය මැඩලීම සදහා නව නීති පද්ධතියක් හදුන්වාදීමට චීන රජය කටයුතු කර තිබේ.
චීනයේ බහුතර මුස්ලිම් ප්‍රජාවක් ජීවත්වන ෂින්ජියාන්ග් පළාත තුළ පසුගිය කාලය පුරාවටම අන්තවාදී මුස්ලිම් නැගිටීම් දක්නට ලැබුණු අතර එනිසාම විවිධ ගැටුම් හා බෝම්බ පිපිරීම්ද වාර්තා විය. එය චීනයේ ස්වෛරීත්වයට අනතුරක් බවයි චීන රජය අවධාරණය කරන්නේ.
ඉස්ලාම් අන්තවාදීන් මෙම මිලේච්ඡ ක්‍රියාවන් පසුපස සිටින බවට චෝදනා කරන චීන රජය අන්තවාදී හිස එසවීම්වලට තව දුරටත් ඉඩ නොතබන බවද අවධාරණය කර තිබේ.
ඒ අනුව එහි මුළික පියවර ලෙස අනව්‍ය පරිදි දිගටි රැවුල් වැවීම, පොදු ස්ථානවලදී මුහුණ සම්පූර්ණයෙන් ආවරණය වන ඇදුම් ඇදීම තහනම් කිරීම සහ මුස්ලිම් පිරිස් විසින් රජයේ රූපවාහිනිය නැරඹීම ප්‍රතික්ෂේප කිරීමට එරෙහිව නව නීති සම්පාදනය කර තිබේ.