අද (10) දිනය තුළ කොවිඩ් ආසාදිතයින් 300ක් හඳුනාගත් බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.
ඒ අනුව මෙරට සමස්ත ආසාදිතයින් ගණන 30,375කි.
එම ආසාදිතයින්ගෙන් 279ක් පෑලියගොඩ මාළු වෙළෙඳසැළ ආශ්‍රිත කොවිඩ් පොකුරෙන් හා 21 දෙනෙක් බන්ධනාගාර පොකුරෙන් වාර්තා වී ඇත.
මිනුවන්ගොඩ – පෑලියගොඩ හා බන්ධනාගාර පොකුරුවල සමස්තය 26,816ක් දක්වා ඉහළ ගොස් තිබේ.
අද ආසාදිතයින් 461ක් සුවය ලැබීමත් සමග මෙරට සුවය ලැබූ සමස්තය 22,261ක් දක්වා ඉහළ ගියේය.
රෝහල්ගත ආසාදිතයින් ගණන 7,970 කි.