Colombo Today Local News

ආණ්ඩු පක්ෂයේ විශේෂ පාර්ලිමේන්තු කණ්ඩායම් අද රැස්වේ

ආණ්ඩු පක්ෂයේ විශේෂ පාර්ලිමේන්තු කණ්ඩායම් රැස්වීමක් අද (28)දින පැවැත්වේ.

අද පස්වරු 6.00ට ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ජනාධිපති කාර්යාලයේ දී ආණ්ඩු පක්ෂ කණ්ඩායම් රැස්වීම පැවැත්වීමට නියමිතය.

මේ සම්බන්ධයෙන් පැහැදිළි කරන ජනමාධ්‍ය අමාත්‍ය කෙහෙළිය රඹුක්වැල්ල මහතා කියා සිටියේ, “වර්තමාන දේශපාලන තත්ත්වයන් සහ නව වසරේ වැඩපිළිවෙල ගැන සාකච්ඡා කිරීමට බලාපොරොත්තුවෙනවා,” යනුවෙනි.

අදාළ රැස්වීමේදී පළාත් සභා මැතිවරණය පැවැත්වීම සම්බන්ධයෙන් ගනු ලබන තීරණය පිළිබඳ අවධානය යොමුකිරීමට නියමිත බව වාසුදේව නානයක්කාර අමාත්‍යවරයා ඊයේ (27)දින ප්‍රකාශ කළේය.

කෙසේවෙතත් සමගි ජනබලවේගයේ බන්දුලාල් බණ්ඩාරිගොඩ මහතා සඳහන් කළේ පළාත් සභා මැතිවරණය පැවැත්වීම ජනතා න්‍යාය පත්‍රයට අයත් නොවන්නක් බවය.

මධ්‍යම පළත් හිටපු මහා ඇමති සරත් ඒකනායක මහතා පැවසුවේ නව ක්‍රමවේදයකට අනුව පළාත් සභා මැතිවරණය පැවැත්විය යුතු බවය.

“මගේ පෞද්ගලික අදහස පළාත් සභාව සුදුසුයි. හැබැයි වෙනස්විය යුතු ගොඩක් දේවල් තියෙනවා. රුපියල් මිලියන 33,000ක් වැටුප් ගන්න කණ්ඩායමෙන් මිලියන 4000ක වැඩනම් කෙරෙන්නෙ ඒක වෙනස් වියයුතුයි,” යනුවෙන් ඔහු එහිදී පෙන්වා දුනි.

පළාත් සභා මැතිවරණය පැවැත්වීමට පෙර නව ව්‍යවස්ථාව යටතේ ඒ පිළිබඳ සමාලෝචනයක් සිදුකළ යුතු බව ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපති මහාචාර්යය රෝහණ ලක්ෂමන් පියදාස මහතා සඳහන් කළේය.

එහිදී, “මේ කාරණාව අපේ අත්දැකීම් අනුව විමසා බැලිය යුතුයි,” යනුවෙන් මහාචාර්යය රෝහණ ලක්ෂමන් පියදාස මහතා සඳහන් කළේය.

Related posts

හෙද ඉල්ලීම් කෙරෙහි අවධානය යොමු කරන්නැයි, ජනපතිගෙන් උපදෙස්

colombotoday

දිනේෂ්ගේ කොළඹ නිවසටත් ප්‍රහාරයක්

colombotoday

සංඛ්‍යාලේකන විකුර්ති කර කොරෝනා දිනන්න සිතීම විහිළුවක්. – රතන හිමි ප්‍රමුඛ ආණ්ඩුවේ විකල්ප කණ්ඩායමෙන් ජනපතිට රතු එලි

colombotoday

දුම්රිය ගමනට බාධා නිසා ප්‍රමාදයක්

Admin

රජයේ රෝහල්වල ගෙවන වාට්ටු පහසුකම් සැලසීමට කැබිනට් අනුමැතිය

Admin

සබ්‍රිට කවුරුත් ඡන්දේ දීලා නෑ. ඔහු ජනාධිපතිව විනාශ කරනවා. | අක්මීමන දයාරතන හිමි

colombotoday