” ජනමත විචාරනයකට යන නව ආණ්ඩුක්රම ව්‍යවස්ථාවක් සඳහා මෛත්‍රීපාල ජනාධිපතිතුමාට හා ඒ කණ්ඩායම ජනතාවට දුන් පොරොන්දු අනුව වරමක් නැහැ. අපි එහෙම එකක් ඉල්ලලත් නැහැ. ඒ නිසා ජනාධිපති ක්‍ර‍මයේ බලතල අඩුකරන සංශෝධන ඇරෙන්න තව ඉන් එහාට යනවා නම් ශ්‍රී ලංකා නිදහස් පක්ෂයට ගැටළුවක් තියෙනවා” යයි අමාත්‍ය එස්.බී.දිසානායක මහතා පවසයි.
ඇමැතිවරයා එබව පැවසුවේ ඊයේ (10) සමාජ සවිබල ගැන්වීම් හා සුභසාධන අමාත්‍යාංශයේ දී පැවැති මාධ්‍ය හමුවකදීය.
ශ්‍රී ලංකා නිදහස් පක්ෂයේ මීළඟ ජනාධිපතිවරණ අපේක්ෂකයා වන්නේ, පක්ෂයේ සභාපති මෛත්‍රීපාල සිරිසේන මහතා බැව් ද අමාත්‍ය එස්.බී.දිසානායක මහතා එම මාධ්‍ය හමුවේදී අවධාරණය කර සිටියේය.