Colombo Today Local News

උතුරු සභාවේ ගෝරි.. ශිවාජිලිංගම් යකා නටයි.. මහඇමතිගේ මූණටම බැණවදී

උතුරු පළාත් ප්‍රධාන අමාත්‍යවරයාගේ වැය ශීර්ෂය සම්මත කරගැනීමට ගිය අවස්ථාවේදී ඊයේ (21 දා) සවස පළාත් සභා ගර්භය තුළ විශාල ගාලගෝට්ටියක් ඇති වී තිබේ.

මේ ගාලගෝට්ටිය ඇතිවීමට හේතුව වූයේ ප්‍රධාන අමාත්‍යවරයා මුලදී එක් මන්ත්‍රීවරයෙකු වෙණුවෙන් සංවර්ධන කටයුතු සදහා රුපියල් මිලියන දහයක් ලබාදෙන බවට පොරොන්දු වුවත් ඔහු එය අවසානයේදී මිලියන හයකට අඩු කිරීම නිසා බව උතුරු පළාත් සභාවේ එක්සත් ජනතා නිදහස් සන්ධානය නියෝජනය කරණ වන්නිහාමිගේ ජයතිලක මන්ත්‍රීවරයා පැවසීය.

උතුරු පළාත් සභාවේ දෙමළ ජාතික සන්ධානය නියෝජනය කරණ මන්ත්‍රීවරුන් කීපදෙනෙකුද ප්‍රධාන අමාත්‍යවරයාට එරෙහිව අදහස් දක්වමින් ඔහුට සභාව තුළදීම බැණ වැදී ඇත.

ප්‍රධාන අමාත්‍යවරයාගේ ඉතා සමීපතම මන්ත්‍රීවරයෙකුවන එම්.කේ.ශිවාජිලිංගම් මන්ත්‍රීවරයාද ප්‍රධාන අමාත්‍යවරයාට එරෙහිව සභාව තුළ කෑකෝ ගසමින් මන්ත්‍රීවරයෙකුට රුපියල් මිලියන දහයම පොරොන්දු වූ පරිදි අවශ්‍ය බව පවසා ඇත.

යම් හෙයකින් රුපියල් මිලියන 9.99 ක් ලබා දුන්නද එය බාරනොගන්නා බවත් ඊට එරෙහිව පළාත් සභා ගර්භය තුළ උපවාස කරණ බවද මන්ත්‍රීවරයා පවසා තිබේ.

මේ අවස්ථාවේදී ප්‍රධාන අමාත්‍යවරයා පළාත් සභා අරමුදලෙන් තවත් මිලියන දෙකක් ලබාදීමට කැමැත්ත පල කරණ ලද නමුත් මන්ත්‍රීවරු ඊට එකග වී නොමැත.

ප්‍රධාන අමාත්‍යවරයාගේ වැය ශීර්ෂය සම්මත වුවත් ජයතිලක මන්ත්‍රීවරයා ඊට එරෙහිව ඡන්දය ප්‍රකාශ කොට තිබේ.

දිනසේන රතුගමගේ

Related posts

ටිකිරි මැණිකේ පීලි පනී – උඩරට දුම්රිය මාර්ගයේ දුම්රිය ධාවනයට බාධා

Admin

දඹුල්ල නගර සභාවෙන් බලු බද්දක් – සියලු බදු මුදල් වැඩි කිරීමට යෝජනාවක්

colombotoday

ඊළම දකුණු පළාත දක්වා දිගුවෙයි.. කොටි සමරන්න අවසර දෙන්නැයි රජයෙන් ඉල්ලයි

colombotoday

පුල්මුඩේ නිවසකින් බෝම්බ උපකරණ තොගයක් අල්ලයි… නිවසේ හිමිකරු පැන යයි…

colombotoday

පුංචි ඡන්ද ප්‍රතිඵලය ජාතියේ ඉතිහාසයත්, අනාගතයක් එකවර වෙනස් කරයි…

colombotoday

රංගන ශිල්පී උද්දික අනුරපුරෙන් මැතිවරණ සටන අරඹයි

colombotoday