World

ජිහාඩ් අන්තවාදය මිහිමතින් අතුගා දමනවා.. ලෝක බලවතා නැවතත් සපථ කරයි

ජිහාඩ් අන්තවාදී ත්‍රස්තවාදය මිහිතිලය මතින් සම්පූර්ණයෙන්ම මුලිනුපුටා දමන බව තේරීපත් ඇමෙරිකානු ජනපති ඩොනල්ඩ් ට්‍රම්ප් අවධාරණය කරයි.

ජර්මනියේ, බර්ලීන් නගරයේදී සඳුදා (19දා) එල්ල වූ ට්‍රක් රථ ප්‍රහාරය පිළිබඳව අදහස් දක්වමින් ට්‍රම්ප් මෙසේ ඇති බව විදෙස් මාධ්‍ය සඳහන් කරයි.

එම බියගුළු ප්‍රහාරය අතිශය ම්ලේච්ඡ ත්‍රස්ත ප්‍රහාරයක් ලෙස හඳුන්වන ට්‍රම්ප්, IS ඉස්ලාම් රාජ්‍ය ත්‍රස්තවාදයට එරෙහිව නැගී සිටීමට ඇමෙරිකාව සහ සාමයට ලැදි සහකරුවන් මෙහෙයවන බවද අවධාරණය කරයි.

ජර්මනියේ, බර්ලින් නගරයේදී එරට වේලාවෙන් සඳුදා රාත්‍රී 8.30 ට පමණ නත්තල් වෙළෙඳ සැණකෙළියක් ඉලක්ක කරමින් මෙම ප්‍රහාරය එල්ල වූ අතර, ඉන් පුද්ගලයන් 12 දෙනෙකු ජීවිතක්ෂයට පත්ව තවත් 50කට ආසන්න පිරිසක් තුවාල ලැබූහ.

කෙසේ වෙතත්, ජර්මානු බලධාරීන් මෙය ත්‍රස්ත ප්‍රහාරයක් ලෙස මෙතෙක් නිල වශයෙන් හඳුන්වා නොදුන්නද, එය ත්‍රස්ත ප්‍රහාරයක් විය හැකි බව පවසා සිටියි. නමුත්, ධවල මන්දිරය මෙය ත්‍රස්ත ප්‍රහාරයක් බව දැනටමත් හඟවා ඇත. එහිදී, ට්‍රම්ප් නිකුත් කර ඇති පණිවුඩයේ,

“බර්ලීන් නගරයේදී සිදුවූ සිත්පිත් නැති ම්ලේච්ඡ ත්‍රස්ත ප්‍රහාරයට ගොදුරු වූවන්ගේ ඥාතීන් සමග අපේ දහවත් මේ මෙහොතේ යා වෙනවා.

නත්තල් නිවාඩුවට සැරසෙන ඒ අසරණ ජීවිත රැසක් මහ මගදී මරා විනාශ කෙරුණා. ISIS හා අනෙකුත් ජිහාඩ් අන්තවාදී ඉස්ලාම් ත්‍රස්තයන් තවදුරටත් කිතුණුවන්, ඔවුන්ගේ සමාජ සහ ඔවුන් වන්දනාමාන කරන ස්ථාන සිය ම්ලේච්ඡ ගෝලීය ජිහාඩ් අන්තවාදය හරහා විනාශ කරමින් සිටිනවා.

මේ ත්‍රස්තයන් සහ ඔවුන්ගේ කලාපීය හා ලෝක ව්‍යාප්ත ජාලය මේ මිහිතලයෙන් සම්පූර්ණයෙන්ම මුලිනුපුටා දැමිය යුතුයි. ඒ සඳහා වූ මෙහෙයුම සාමයට ලැදි සහකරුවන් සමග එක්ව අප ඉතා ඉක්මණින්ම ක්‍රියාත්මක කරනවා” යනුවෙන් අවධාරණය කර සිටියි.

Related posts

භූ කම්පනය මැද සුන්බුන්වලට යට වූ මවක් දරුවෙකුට උපත දී මිය යයි

Admin

වැසිකිළි දෙකක් හදා දුන් කාන්තාවකට ඉන්දීය අගමැති මෝදි වැද නමස්කාර කරයි

colombotoday

තමිල්නාඩුව කැළඹෙයි.. මහඇමති වෙන්න ගිය ශෂිකලා සිව් වසරක් සිරගෙට නියම වෙයි

colombotoday

මව්රටට පැමිණීමට නොහැකිව ශ්‍රී ලාංකික වෛද්‍ය සිසුහු 100 ක් නේපාලයේ හිර වෙති

colombotoday

පාකිස්තානය – චීනය යුද ශක්තිය වර්ධනය කරද්දී ඉන්දියාවත් යුද ශක්තිය තර කරයි

Admin

ඩොලරයට සාපේක්ෂව බ්‍රිතාන්‍ය පවුමක මිල වාර්තාගත ලෙස පහළට

colombotoday