සේවා විශ්රාම වැටුප් ලබාදෙන්නැයි ඉල්ලමින් දින කිහිපයක් තිස්සේ විරෝධතා පැවැත්වූ ආබාධිත රණවිරුවන් සහ හිමිවරු පිරිසක් මීට ටික වේලාවකට පෙර ජනාධිපති ලේකම් කාර්යාලයට පැමිණියහ.
පෙළපාළියෙන් ගිය ඔවුන් වැළැක්වීමට පොලිසිය කඳුළු ගෑස් සහ අධි පීඩන ජල ප්‍රහාර එල්ල කළේය. පොලිසිය පවසන්නේ විරෝධතාකරුවන් කොටුව ජනාධිපති ලේකම් කාර්යාලයට ඇතුළු වීම වැලැක්වීම සදහා මෙම පියවර ගත් බවයි.
දෑත් දෙපා අහිමිව ආබාධිත තත්ත්වයේ පසුවන රණවිරුවන් ප්‍රහාරයෙන් දැඩි පීඩාවට පත්වූ අතර ඔවුන් එහි සිටි පිරිස් සමග පැවසූවේ යුද්දය නිසා අබාධිත වූ තමනට හිමිව ඇති විශ්රාම වැටුප ලබා දෙන ලෙස් ඉල්ලා සිටි නිරායුද තමන් ඉලක්ක කර එල්ල කල මෙම ප‍්‍රහාරය හද කම්පා කරන බවයි. තමන් මේ රට බේරාගත් මිනිසුන් මිස රටට හතුරුකම් කල වුන් නොවන බවද තම දෑත් දෙපා අහිමි වූයේ රට වෙනුවෙන් යුද වැද බවත් ඔවුන් කියා සිටිති.
මේ ආකාරයේ කදුළු ගෑස් හා අධිපීඩන ජල ප්රහාරයක් රණවිරුවන් පිරිසක් ඉලක්ක කරමින් එල්ල වූයේ ඉතිහාසයේ මුල්වරටයි.
.jpg)
