මීගහවත්ත, නාරංවල ප්‍රදේශයේ පිහිටි පිරිවෙනක වැඩ විසූ සාමනේර හිමිනමක් ළිඳකට වැටී අපවත් වී තිබේ.
ඒ පිළිබඳව ඊයේ (21) ලද තොරතුරකට අනුව විමර්ශන ආරම්භ කර ඇති බව මීගහවත්ත පොලීසිය පවසයි.
එසේ අපවත්වී ඇත්තේ, වයස අවුරුදු 12ක් වන සාමනේර හිමිනමකි.
හිමිනම පන්සලේ නොමැති වීම හේතුවෙන් සොයා බැලීමේ දී ළිඳට වැටී ඇති බව දැක ඇති අතර, පසුව හිමිනමව ගොඩට ගෙන ඇත.
උන්වහන්සේ ඒ වනවිටත් අපවත් වී සිට ඇති බව පොලීසිය කියයි.
සිදුවීම පිළිබඳ වැඩිදුර පරීක්ෂණ මීගහවත්ත පොලීසිය විසින් සිදුකරයි.