Colombo Today Local News

ගිනි ගත් නැවෙන් පීඩාවට පත් ධීවරයෝ ලක්ෂ 5ක වන්දි ඉල්ලා උසාවි යයි

කොළඹ වරාය ආසන්නයේ ගිනි ගැනීමට ලක්වූ එක්ස්ප්‍රස් පර්ල් නෞකාවේ සිද්ධිය හේතුවෙන් පානදුර සිට මීගමුව දක්වා මුහුදු තීරයේ මසුන් මැරීමේ නිරත ධීවරයින් පීඩාවට පත් වීම සම්බන්ධයෙන් සෑම ධීවරයකුටම රුපියල් ලක්ෂ 5 බැගින් වන්දි ගෙවන ලෙස මූලික අයිතිවාසිකම් පෙත්සමක් ගොනු කර තිබේ.

ඒ අනුව ලක්ෂ 5 ක් බැගින් වන්දි ගෙවන්නැයි රජයට නියෝගයක් නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ අද (23)දින මෙම මූලික අයිතිවාසිකම් පෙත්සම ගොනුකර ඇත.

මානව හිමිකම් ක්‍රියාකාරිකයෙකු වන සරත් ඉද්දමල්ගොඩ පියතුමා, වෘත්තීය ධීවරයින් දෙදෙනකු වන ඩබ්ලිව්. ගාමිණී ප්‍රනාන්දු සහ වර්ණකුලසූරිය ක්‍රිස්ටෝපර් සරත් ප්‍රනාන්දු යන මහත්වරු පෙත්සම ඉදිරිපත් කර ඇත.

පෙත්සමේ වගඋත්තරකරුවන් ලෙස පරිසර අමාත්‍ය මහින්ද අමරවීර, ධීවර අමාත්‍ය ඩග්ලස් දේවානන්ද, වරාය අමාත්‍ය රෝහිත අබේගුණවර්ධන, වරාය අධිකාරියේ සභාපතිවරයා, පරිසර අමාත්‍යාංශයේ ලේකම් වෛද්‍ය අනිල් ජාසිංහ, එක්ස්ප්‍රස් පර්ල් නෞකාවේ දේශීය නියෝජිත සමාගම වන සී කොන්සෝටියම් ලංකා පුද්ගලික සමාගම, සමුද්‍ර දූෂණ වැලැක්වීමේ අධිකාරිය ,මධ්‍යම පරිසර අධිකාරිය, නීතිපති ඇතුළු 12 දෙනෙක් නම් කරනු ලැබ තිබේ.

නීතීඥ මංජුල බාලසූරිය මහතා මගින් මෙම පෙත්සම් ශ්‍රේෂ්ඨාධිකරණය හමුවේ ගොනු කර ඇත.

Related posts

කොළඹ කොටුව සහ බදුල්ල අතර දුම්රිය ධාවනය තවදුරටත් අත්හිටුවයි

colombotoday

භාණ්ඩාගාර බිල්පත් නිකුත් කිරීමේ වෙන්දේසියක් අනිද්දා

Admin

ෆොන්සේකා – චමල් පාර්ලිමේන්තුවේ දී උණුසුම් වචන හුවමාරුවක – ‘‘බල්ලා, බූරුවා, පිස්සා, මෝඩයා’’ පාර්ලිමේන්තුවේ රැව්පිලි රැව් දෙයි

colombotoday

“වරාය නගරය ව්‍යාපෘතිය හරියට ක්‍රියාත්මක වුවහොත් මේ රට ගොඩ යන එක ස්ථිරයි “

colombotoday

පාස්කු ප්‍රහාරකයන්ගේ දෙවන ඉලක්කය දළදා පෙරහැර බව කොමිසමේදී අනාවරණය වෙයි

colombotoday

අණ නොතකා පලායමින් සිටි වැලි ජාවාරම්කරුවන්ට හමුදාවෙන් වෙඩි

colombotoday