ජාත්‍යන්තර මූල්‍ය අරමුදල සමග සිදු කරන මීළඟ සාකච්ඡා වටයේදී කිසියම් සහනයක් ලබාගත හැකිනම් එම සහනය ප්‍රථමයෙන් රාජ්‍ය සේවකයන්ට ලබාදෙන බවට රජය ප්‍රතිපත්තියක් ලෙස ප්‍රකාශ කර ඇතැයි කැබිනට් ප්‍රකාශක, ජනමාධ්‍ය අමාත්‍ය බන්දුල ගුණවර්ධන මහතා පැවසීය.
අද (03)දින රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍ය මේ බව පැවසීය.
එමෙන්ම රජයක් ලෙස එක් අංශයක් ගැන පමණක් සිතා කටයුතු නොකරන බවද ඔහු මෙහිදී සඳහන් කළේය.
මෙම අවස්ථාවේ සියලුම රාජ්‍ය සේවකයන්ට විශාල බදු බරක් පැනවී ඇති අතර එය ජනාධිපතිතුමා මෙන්ම සියලුම අමාත්‍යවරුන්ද පිළිගන්නා බව අමාත්‍ය බන්දුල ගුණවර්ධන මහතා එහිදී වැඩිදුරටත් පැවසීය.