ශ්‍රී ලංකා ක්‍රිකට් තහනම ඉවත් කර ගැනීම සඳහා ICCය සමඟ සාකච්ඡා කිරීමට ජනාධිපති රනිල් වික්‍රමසිංහ මහතා ඇමති කමිටුවට බලය පවරා ඇති බව විදුලිබල හා බලශක්ති අමාත්‍ය කංචන විජේසේකර මහතා අද (17)දින පාර්ලිමේන්තුවෙදී පැවසීය.
අදාළ ගැටලුව දේශපාලනයට ඈඳා ගැනීම සිදු නොකරන ලෙස ඉල්ලා සිටින බවයි අමාත්‍යවරයා පවසයි.
විපක්ෂය මෙන්ම ආණ්ඩුවත් එකතු විය යුත්තේ ICC තහනම ඉවත් කර ගැනීම සඳහා බව සඳහන් කළ අමාත්‍යවරයා ජනාධිපති රනිල් වික්‍රමසිංහ මහතා විසින් ඇමති කමිටුවට බලය පවරා ඇත්තේ ක්‍රිකට් සම්බන්ධ ව්‍යූහාත්මක වෙනස පිළිබඳ අදහස් යෝජනා ලබාදීමට බව එහිදී ප්‍රකාශ කළේය.
කංචන විජේසේකර අමාත්‍යවරයා වැඩිදුරටත් සඳහන් කළේ ක්‍රිකට් තහනම ඉවත් කර ගැනීම සඳහා පාර්ලිමේන්තුවම එක් විය යුතු බවයි.