මසට අලෙවි කිරීමට ගෙනගිය බළලුන් 1000කට වැඩි ප්‍රමාණයක් චීනයේ පොලිසිය විසින් බේරාගෙන ඇති බව විදෙස් මාධ්‍ය වාර්තා කරයි.
සත්ත්ව සුභසාධන ක්‍රියාකාරීන්ගේ ඔත්තුවක් මත ක්‍රියාත්මක වූ පොලිසිය නැගෙනහිර Zhangjiagang නගරයේ දී බළලුන් රැගෙන යමින් තිබූ ට්‍රක් රථය වටලා ඇති බව සඳහන් වේ.
මෙම මෙහෙයුමේදී නීතිවිරෝධී බළල් මස් වෙළඳාමක් අනාවරණය වී ඇති අතර ආහාර සුරක්ෂිතතාව පිළිබඳවද නව ගැටලුවක් මතුකර තිබේ.
ගලවාගත් බළලුන් අයාලේ ගිය හෝ සුරතල් සතුන් ද යන්න තවමත් අනාවරණය කරගෙන නොමැත.
බළලුන්ව රටේ දකුණු පළාතට ගෙන යමින් සිටින අතර එහිදී බළල් මස්, ඌරු මස් සහ බැටළු මස්, සොසේජස් ලෙස අලෙවි කිරීමට සැලසුම් කර තිබු බව විදෙස් මාධ්‍ය වැඩිදුරටත් සඳහන් කරයි.