මන්ත්‍රීවරුන් දෙපිරිසක් අතර පාර්ලිමේන්තු සංකීර්ණයේ පහළ මාලයේ පුස්තකාලයේ අසල ඇති වූ ගුටි කෙළියක් හේතුවෙන් අද (20)දින එහි දැඩි කලබලකාරි තත්වයක් ඇතිවිය.
රාජ්‍ය ඇමතිනී ඩයනා ගමගේ මහත්මිය සහ සමගි ජනබලවේගයේ අනුරාධපුර දිස්ත්‍රික් මන්ත්‍රී රෝහණ බණ්ඩාර මහතා අතර කිසියම් කාරණයක් සම්බන්ධයෙන් බහින්බස් වීමක් සිදුව ඇතැයි වාර්තා වේ.
ඒ අවස්ථාවේදී එම පක්ෂයේ කෑගල්ල දිස්ත්‍රික් මන්ත්‍රී සුජිත් සංජය පෙරේරා මහතා සිද්ධිය සිය ජංගම දුරකතනයෙන් වීඩියෝ ගත කර ඇති අතර එහිදී ඇති වූ උද්වේගකර තත්ත්වයකදී රාජ්‍ය ඇමතිනී ඩයනා ගමගේ මහත්මියට මන්ත්‍රී සුජිත් සංජය පෙරේරා මහතා පහර දීමක් සිදු කර තිබේ.