ජාතික ජන බලවේගය මන්ත්‍රීවරුන් කිසිම දිනක පාර්ලිමේන්තු කැන්ටිමෙන් ආහාර ලබා නොගන්නා බව පවසා නැතැයි ඇමැති බිමල් රත්නායක මහතා සඳහන් කරයි.
ඔහු පෙන්වා දෙන්නේ පාර්ලිමේන්තුවේ ආහාර වේල්ද ලබා දිය යුත්තේ සාමාන්‍ය වෙළඳපොළේ පවතින මිල ගණන් යටතේ බව තමන් පාර්ලිමේන්තුව පැමිණි පලමු දිනයේ සිටම ප්‍රකාශ කර ඇති බවයි.
තම පක්ෂයේ පාර්ලිමේන්තු මන්ත්‍රීවරුන් පාර්ලිමේන්තු ආහාර නොගන්නා බවත් නිල නිවාස නොගන්නා බවත් ප්‍රකාශ කර ඇති බවට ඇතැම් පිරිස් ඒත්තු ගැන්වීමට උත්සාහ කරන බවටත් ඔහු කියා සිටියේය.
මැති ඇමතිවරුන්ට තම නිවෙසින් ආහාර ගෙන ඒම ක්‍රිසිසේත්ම කළ නොහැකි බවද පැවසූ ඔහු ලෝකයේ සෑම රටකම පාර්ලිමේන්තු මන්ත්‍රීවරුන්ටත් කාර්ය මණ්ඩලයටත් ආහාර ලබා දෙන බවත් තම පක්ෂය පවසන්නේ සාමාන්‍ය පවතින මිලට එම ආහාරයේ ලබා දිය යුතු බවත් යැයි අමාත්‍යවරයා තවදුරටත් පැවසුවේය.